Araw ng mga Bayani: Mga Barkong Simbolo ng Kabayanihan

Naglalayag ang barkong pandigma na BRP Jose Rizal sa kanyang unang paglalakbay sa Pilipinas (Pinagmulan: NavalNews.com)

Ika-25 ng Agosto, taong 2025 – Lungsod ng Makati, Pambansang Punong Rehiyon ng Perlas ng Silangan

Isinulat ni Santy Floralde

May isang sasakyang-dagat ang nangunguna sa kanyang hanay. Ito ang barkong pandigma na may ginabayang misayl (guided missile frigates). Siya ang kauna-unahang ginawang pragata (frigate) ng serbisyo, dahil ang mga nakaraang pangunahing barkong pandigma ay kadalasang nakuha mula sa mga retiradong tanod sa dagat (patrol ship) ng ibang bansa. Isa rin siya sa mga pangunahing barkong pandigma ng hukbong-dagat na may kakayahang magsagawa ng maraming ginagampanang tungkulin na operasyon, tulad ng patrol sa baybayin (coastal patrol), laban sa sasakyang panghimpapawid (anti-air) at laban sa mga submarino (anti-submarine). At ang kahanga-hangang barkong ito na ipinagmamalaki ng Hukbong Dagat ng Pilipinas (Philippine Navy) ay kilala sa ngalan na BRP Jose Rizal – ang barkong may kapita-pitagang pangalan ng ating pambansang bayani.

Para sa kaalaman ng mga karaniwang mamamayan, ang mga barkong tulad ng nabanggit ay pinangungunahan ng mga letrang “BRP” na isang akronim na ang kahulugan ay “Barko ng Republika ng Pilipinas”. Agad itong sinusundan ng pangalan ng bayani, lalawigan o lungsod, o kaya nama’y abstrak na konsepto. Ang ilan sa mga halimbawa nito ay ang mga sumusunod: BRP Magat Salamat, BRP Laguna, BRP Cebu, at BRP Makasaysayan.

Sa pagkakataong ito, bibigyan natin ng pansin ang mga barko na may ngalan ng ating mga bayani. Pero ang tanong ng taumbayan ay ito:

Bakit nga ba ang itinatawag sa mga natatanging barko ng Philippine Navy at Philippine Coast Guard ay ang ngalan ng ating mga bayaning Pilipino?

BRP Teresa Magbanua (Pinagmulan: BairdMaritime.com)

1. Pambansang Pagmamalaki at Pagkilala

Ang pagbibigay ng pangalan ng mga bayani sa mga barko ay nagsisilbing isang makapangyarihang simbolo ng pambansang pagmamalaki at nagbibigay ng paraan upang makilala ang mga nagawa ng mga indibidwal na ito. Ipinangalan ang mga barko sa isang partikular na bayani bilang pagbibigay-pugay sa kaniyang natatanging serbisyo at matapang na pagkilos. Isang halimbawa ay si Teresa Magbanua. Lumaban siya noong panahon ng digmaang Pilipino-Amerikano. Tumulong siya sa mga guerilla noong panahon ng pananakop ng mga Hapones. Sa taglay niyang tapang at kabayanihan, tinagurian siyang Joan of Arc ng Kabisayaan (Visayan Joan of Arc) kaya’t sinunod sa pangalan niya ang BRP Teresa Magbanua na siya ngayong pinakamalaking barko ng Tanod Baybayin ng Pilipinas (Philippine Coast Guard).

2. Inspirasyon at Pamana

Ang pagpapangalan sa mga barko na hango sa mga bayani ay sumisimbolo rin sa pambansang pangako sa mga pagpapahalaga tulad ng kalayaan, katarungan, at katapangan. Ang mga pangalang ito ay nagsisilbing palaging paalala ng kagitingan, dedikasyon, at diwa ng mga bayani, na nagbibigay-inspirasyon sa mga susunod na henerasyon ng mga miyembro ng serbisyo. Kaya’t habang lumalayag ang ating mga barko at winawagayway nito ang bandila ng Pilipinas, mananatiling may pag-asa ang mga Pilipino na protektado ang bansa laban sa mga dayuhang mananakop.

3. Kultural na Koneksyon

Ang koneksyon ng mga bayani sa mga sasakyang pandagat ay batay sa ugnayang pangkultura. Ang pagsasanay ay nag-uugnay sa kasaysayang pandagat ng Pilipinas sa mas malawak na kultural na salaysay ng mga bayani nito. Ito ay nagpapatibay sa isang pakiramdam ng ibinahaging pagkakakilanlan at pamana.

Sa puntong ito, may mas malawak na tayong kamalayan sa rason kung bakit ang mga natatanging barkong Pilipino ay ipinangalan sa mga tanyag at katangi-tanging bayani. Ito ay ginagawa upang parangalan sila at itanim ang mga katangian tulad ng katapangan at pagkamakabayan sa mga sasakyang pandagat. Ang pagsasanay ay nagsisilbing pagkilala at inspirasyon upang bigyang-diin at ipagpatuloy ang mga halagang kinakatawan ng mga indibidwal na nag-uugnay sa mga barko sa pamana at pagkakakilanlan ng bansa.

BRP Miguel Malvar (FFG-06) sa panahon ng mga pagsubok sa dagat sa baybayin ng lungsod ng Ulsan sa Timog Korea (Pinagmulan: Wikipedia)

Ang ilan pa sa mga barkong ipinangalan sa mga bayani ay ang mga sumusunod: BRP Miguel Malvar (FFG-06), BRP General Emilio Aguinaldo, BRP Apolinario Mabini, BRP Andres Bonifacio, BRP Gregorio del Pilar, BRP General Antonio Luna, BRP Melchora Aquino, BRP Gabriela Silang, at BRP Sultan Kudarat. Para sa karagdagang kaalaman at detalye, i-klik ang mga link sa ibaba:

1. https://military-history.fandom.com/wiki/List_of_ships_of_the_Philippine_Navy

2. https://en.wikipedia.org/wiki/Philippine_Coast_Guard#Ships_in_service

Ngayon ay ipinagdiriwang natin ang Araw ng mga Bayani (National Heroes Day). Sa pamamagitan ng pagsaludo sa mga barko ng Hukbong Dagat ng Pilipinas at Tanod Baybayin ng Pilipinas, alalahanin natin ang kanilang natatanging kontribusyon sa ating kasaysayan. Pahalagahan natin ang kanilang mga sakripisyo sa bayan. At higit sa lahat, gawin natin silang ehemplo ng pagiging matapang, marangal, at mapagmahal sa ating bansa na tinatawag nating Pilipinas.

Mga Sanggunian:

1. Martin Manaranche (2020, May 18). Future Philippine Navy Frigate BRP ‘Jose Rizal’ Sails Home for Commissioning. NavalNews.com.

https://www.navalnews.com/naval-news/2020/05/future-philippine-navy-frigate-brp-jose-rizal-sails-home-for-commissioning/

2. Baird Maritime (2022, May 30). VESSEL REVIEW | Teresa Magbanua – New class of 97m multi-role vessels for Philippine Coast Guard. BairdMaritime.com.

https://www.bairdmaritime.com/security/non-naval-security/vessel-review-teresa-magbanua-new-class-of-97m-multi-role-vessels-for-philippine-coast-guard 

3. Jeoffrey Maitem (2025, May 21). BRP Miguel Malvar (FFG-06) commissioned with Philippine Navy. NavalNews.com.

https://www.navalnews.com/naval-news/2025/05/brp-miguel-malvar-ffg-06-commissioned-with-philippine-navy/